موضوع للنقاش

يقولون:خلقت حواء لخدمة آدم

اذ نجد أغلبية الرجال
لايفقهون شيئا في الأعمال المنزلية
بل الكثيرون يظنون
أنهم بمجرد مساعدتهم لزوجاتهم أو أمهاتهم أو اخواتهم
سينقصون من رجولتهم ومكانتهم

لما ياترى رجالنا يفكرون هكذا؟
لما لايطبخ رجالنا؟
لما يقومون بأدوار الملوك يأكلون ويخرجون؟

ايها الرجل
لما أنت هكذا
أم أن الاتكال هو صفة لصيقة بك؟
نتمنى نقاشاتكم

ياو يفرزوا رواحهم برك باركات الشيء لوخر خاطيهم
هذا داخلك بالصباط ماينحيهش قدام العتبة نتاع الباب والتطفاس
صباح عشية والمرأ تسيق كي المسكينة
وهذا قشوا حاشاكم مكبوب على برا ، يسناو في الأخت ولا الأم حتى تجي تصاوبلهم الحوايج

وهذا شيء يقلقني بزآآآف
من خوية الأقل مني خصوصا
لانه يرفض تنظيف غرفته وتنظيمها وكي نقولوا علاه
يقولي حاطتني مرا ولا كيفاه ؟
الأسوأ أنه أي تصرف دال على النظافة والتنظيم
يقولك مانيش مرآآ
؟؟؟؟؟؟؟؟؟؟؟؟؟ يعني الرجال موسخين وفوضاويين
ومايديرو والو غير ماكلة وشراب وتازي لهيه
والله عيب ، يا سيدي ماتعاونش الوالدة ماقلناش طيبوا ولا أغسلو ولا سيقوا إفرزوا رواحكم برك
أموركم الشخصية صاوبوهـا ، إذا ماكانش تكافل للعايلة في مابعضاها كيفاش راح تتحقق السعادة الأسرية ؟
الرسول صلى الله عليك وسلم
كان يغسل الأواني وينظف مع زوجاته سبحان الله
نسبة 0.0000001 بالمية في وقتنا الحالي إذا خطرة ودار ونفض فراش ولا طبق قشو ولا دار غدا
حاط روحو دار حاجة كبيرة
المٌشكل أنه هذي عادة من القديم من بكري والعرب ماشيين على هذي السييرة
في ميزهم الرجلة خشونة الرجلة ندابز برأ وندير المشاكل ونقول هاني فحل بن فحل
وهي ني رجولة ني عمار بوزور
الرجلة أخلاق ومنبعد تجي رجاجة العقل والباقي مواقف
وكملاحظة : الرجلة تلقاها ساعات عند المرآآ
لانه مفهوم رجولة ليس بمفهوم أنها تعني الذكر بل أنه الرجولة مواقف
وفيها الإنسان سواء أنثى أو ذكر يدير حاجة تدلّ على أنه قوي الهوية والشخصية
هذي قالهالنا أستاذ فلسفة هههههه

نعم اوفقك الرأي اخت اميرة

الرجولة مواقف والدليل الاكبر سيدنا وحبيبلنا محمد صلى الله عليه وسلم كيف كان يعامل بناته ونسائه

هذا مفهوم خاطى عند الرجال

الا من رحم ربي

الاسف هذه الظاهرة في انتشار واسع

ندعو من الله تعالى انا يوفقنا

ونحافظ على امهاتنا واخواتنا

يا رب العالمين

عموم شكرا على ردك الامثر من رائع اخت اميرة دمتي في رعاية الله وحفظه

انا وحدة من الناس خويا هبلني

يلعبلي فيها راجل هههه ما يغسل ما والو والله القط تاعنات قافز عليها

هويعرف غير يفزد

ربي يهدي ما خلق ايه يا فوفو مفهوم خاطى نتمنى ولا تكون توعية باه

تسقم الامور

موضوع رائع فوفو

» تفضل (ي) ...للنقاش
» موضوع: لغز بالصورة ... حلو عيونكم مليح
» موضوع روعة سامحك قلبي