السلام عليكم اليوم جبتلكم بوقالات جزائرية 100/100 ماعليكم غير تخمموا في قلبكم في شخص عزيز عليكم و مبعد تختاروا الارقام من 1 الى 10 بلا ما تقراوهم من قبل
1-حليت باب الجنان لقيت لملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي لحبيب لحبيبو و اللي في قلبو حاجة الله يبلغ المقصود
2-نزلت لقاع لبحر خرجتلي جنية قالتلي واشبيك يا لالاة مهمومة تكلمي افتحي قلبك ليا قتلها يا مولاتي هذاك حبيبي داوه عليا قلبي معاه و قلبو معاها هي
3-يا لي جايا من العين و بيدك مليتي السلة سبحان من عطاك الزين و زاد في بهاك ذيك الحلة
4-ما ناكلش القارص لو يشهينيي ما ناخدش الشيخ لوكان يغنيني ناخد شباب صغير قدي يواتيني
5-اصلك اصلك و ما ينفع غير الصح مولاة النية الصافية عليها ربي يفتح اطول ولا تقصر يجيها السعد و الربح
6-يا لالاة يا لالاة يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي ماليا و قاع احبابي و ناسي
7-يا لي ملكتيني بزينك يا الزايدة في عذابي في الليل نومك و فالنهار نترجاك قوليلي غير كليمة يرحم اللي رباك
8-رشيت عتبة الباب بالزهر و الطيب و سقيت كل لحباب بالعسل و الزبيب و كي نسيت جاني جواب كنت نستناه من عن لبعيد
9-خرجت نهار الجمعة في يدي شمعة قالولي امسحي ذيك الدمعة وانساي الخلعة قريب يتلموا احبابك واصحابك ويفرحوا معاك الجماعة
10-جايز على باب دارنا لابس تلمساني قتلو يا شيخ بالاك تنساني قالها والله ما ننساك و نصيبك على ربي جاه و سلطاني.
الجمعة 15 يناير 2016 - 21:20 من طرف 
