عادة سيئة ..............

السلام عليكم
عادة سيئة .............. 506993252

اليوم ياناس اللمة عندي ليكم موضوع مهم على وحد الظاهرة كيما عودتكم
بالمختصر المفيد....
وقوف اصحاب السيارات ولا الراجلين وحتى الشياب قدام ابواب المدارس بداية من السيام الى الجامعة
ياناس وش هادا الخرطي واحد يعدب روحو وينوض على 6 تاع الصباح باش يسقم
عمرو وشعرو ويجي قدام لباب من 7 ونص يستنى فال........حشمت نقولها
وواحد يحب يتلاقا وحدة يعني من بلايص ربي كامل يخيرو غير لقراية(قالك مكان
عام)
وشي هادا لوكان قالولو رانا دبرنا ليك خدمة وما ينوضش الصباح وفي خاطر مولات التبخطير ينوض على الفجر
يا عباد ربي راك بكل شوفة تدي سيئة واحسب انت عدد الشوفات فليوم واضربهوم
في زوج خاطر راك طول فالشوفة يعني كي تجي مروح للدار تدي معاك كاميون تاع 5
قناطر سيئات
وكن جيت اوموان تصلي ولا تقرا القران تنحي عليك شوية
ايماجيني غدوة تخرج وتضربك طوموبيل وتموت واش تقول لربي
علابالك كي تعود روحك طالعة يجيك الشيطان يضحك خاطر فرحان كي عاد قدر يخدعك ويدخلك لجهنم
اتقي ربك وتوب عن العادة السيئة هادي غدوة كي تموت ما يجوكش لبنات الي كحلت عليهم يدافعو عليك قدام ربي

كل واحد في قبرو وحدو

نتمنى تكونو استفدتو من الموضوع وغيرتو سيرتكم نحو الافضل
تحياتي

شكرااا لك
ويعطيك الف عافية